ҚҰНЫ 23 МИЛЛИОН ТЕҢГЕДЕН АСАТЫН ҰСАҚ МАЛДАРДЫ САТЫП ЖІБЕРГЕН ҚОЙШЫ АНЫҚТАЛДЫ

Жаңалықтар Заң және қоғам

Шардара аудандық полиция бөліміне жергілікті тұрғын арызданды. Ер адамның айтуынша, ол өзі басқарып отырған жайылымдық жердегі қойшыға 400-ден астам қойларын сеніп тапсырған. Алайда, мал басын түгелдеуге барғанда, олардың толық емес екендігін байқаған. Осылайша жәбірленушіге келген шығын көлемі 23 000 000 теңге.
Аталған жайтты полиция қызметкерлері ҚР ҚК-нің 189-бабы «Сеніп тапсырылған бөтен мүлікті иемденіп алу немесе талан-таражға салу» бойынша тіркеуге алды. Хабар келіп түскен бойда тәртіп сақшылары оқиға орнына шұғыл шықты. Полицейлердің жүргізген тиянақты жұмысының нәтижесінде, аталмыш қылмысқа қатысы бар жәбірленушінің қой бағып жүрген қойшысы яғни Ордабасы ауданының тұрғыны анықталды.
Белгілі болғандай, сезікті ер адам 2021 жылдың тамыз айынан бері ұсақ малдарды біртіндеп сатып, өз пайдасына жаратып отырған. Ал мұны жәбірленуші арада жыл өткен соң білген. Ол малдарын түгелдеуге келгенде 400-ден аса мал санынынң аз екенін байқаған. Қазіргі таңда күдіктіге қатысты сотқа дейінгі тергеу амалдары жүргізілуде.
Түркістан облысының полицейлері тұрғындарға малдарын бейтаныс адамдарға бақтырмауға кеңес береді. Сондай-ақ, мүмкіндігінше малды таңбалап, сырғалап, ен салдыру керек. Егер, сіз де, малыңызды жоғалтып немесе ұрлатып алсаңыз, тез арада 102 нөміріне хабарласыңыз.

Please follow and like us: